Një shtetase ka mbetur e plagosur si pasojë e një aksidenti që ka ndodhur mbrëmjen e sotme në aksin rrugor Durrës-Tiranë.
Sipas të dhënave të policisë, aksidenti ka ndodhur rreth orës 20:15.
Automjeti i drejtuar nga 20-vjeçari, I. S, ka aksidentuar këmbësoren, ende të paidentifikuar, e cila ndodhet nën kujdesin e mjekëve.
Drejtuesi i mjetit është shoqëruar në ambientet e policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të aksidentit.
