Xherdan Shaqiri është ambientuar mjaft mirë te skuadra e Lionit duke fituar dhe vendin e titullarit. Por sulmuesi shqiptar është bërë protagonist mbrëmjen e sotme duke shënuar në fitoren 3-1 të Lionit në sfidën ndaj Trojes.
Shaqiri barazoi shifrat në minutën e 48-të duke realizuar një gol mjaft të bukur. Pas një pasimi të Guimares, sulmuesi nga Gjilani gjeti cepin e portës me një goditje të saktë me të majtën.
Ky gol i hapi rrugën e fitores Lionit e cila përmbysi rezultatin e pjesës së parë me golat e Emerson dhe Paketës. Ky është dhe goli i parë i Xherdan Shaqirit me fanellën e Lionit duke gjetur rrjetën pas vetëm 4 ndeshjesh.
https://www.youtube.com/watch?v=jX7Xippxb34
