“Hapja e shkollave mund të sjellë edhe rritjen e rasteve të reja me Covid në vend”, u shpreh zv. ministrja e Shëndetësisë, Eugena Tomini.
Në një lidhje për Radar Informativ, Tomini tha se është e pritshme që rifillimi i mësimit dhe grumbullimi i nxënësve do të sjellë tendencë rritëse.
“Ky fakt e lehtëson më shumë se zinxhiri i transmetimit midis mësuesve që janë të detyruar të vaksinohen, mbetet hallka e nxënësve. Disa hallka pavarësisht rritjes së pozitivitetit kemi përballje qoftë për shtrimet, por edhe strukturat spitalore.
Të gjitha gjasat janë që mund të kemi një trend më të rritur me grumbullimet. Por gjithçka është dinamike, do të vlerësohet hap pas hapi duke zbatuar protokollet. Aktualisht duke parë që mbulesa vaksinave po shkon në nivele të kënaqshme dhe shëndeti mendor të qenurit sa më parë mësimdhënies ka rëndësi. Vjeshtë-dimër do të ketë tendecë rritje. Nëse do krahasojmë periudhat e vjetshme kemi pasur pozitivistet shumë herë më të lart se tani,” u shpreh ajo.
Ndërkohë, që arsimtarët janë në kategorinë e vaksinimit të detyruar, zv.ministrja tha se me hapjen e shkollave ata duhet të tregojnë edhe certifikatën që vërteton se kanë marrë vaksinën. Vaksinimi me detyrim për këtë kategori sipas Tominit mbështet në ligjin për sëmundjet infektive.
“Detyrimi ligjor ose urdhri për të paraqitur certifikatën bazohet në ligjin për sëmundjet infektive. Por sa sa i përket urdhrit të mësuesve del në vijim që data 27 përkon me fillimin e mësimit, përkon edhe me ligjërimin e një detyrimi të tillë për të paraqitur certifikatën. Bazohemi te ligji për sëmundjet infektive.
Individët që e kanë kaluar aplikimi i një vaksine nxit një mbrojtje më të fortë. Studime të pjesshme kanë treguar se një individ i vaksinuar nuk transmeton virus në të njëjtën ngarkesë si një i pa vaksinuar. Agresiviteti i grimcave ndryshon. Kohëzgjatja e transmetueshmërisë në interval kohor te një i vaksinuar është më e shkurtër,” tha ajo.
Zv.ministrja shtoi më tej se në rast të agravimit të situatës janë në gatishmëri për të rihapur spitalet e tjera Covid.
“Nuk ka ndryshuar asnjë lloj kursi. Janë duke u monitoruar të gjithë indikatorët duke vlerësuar faktin e një disporporcioni mes rasteve që shtrohen në spital deh rasteve të reja ditore. Plani për një rritje të mëtejshme, kapacitetet spitalore janë të plota. Spitali COVID 4 është në gatishmëri.
Vendimet diskutohen mbi studimet që kanë dalë në botë. Ne e kemi filluar vaksinimin masiv nga data 28 mars. Jemi në 5 muajt e parë dhe doza e dytë na ka kërkuar më shumë kohë se vendet e tjera që e kanë filluar më herët. Kërkohet akoma më shumë kohë dhe më pas të menduar për dozën e tretë sipas rekomandimeve në bazë edhe të fashave që kanë sëmundje bashkëshoqëruese,” tha ajo.
