Në qytetin e Vlorës janë dëgjuar të shtëna armësh.Kjo është raportuar fillimisht nga burime konfidenciale për Boldnews.al nga Policia e Shtetit, të cilat bëjnë me dije se të shtënat janë dëgjuar tek Poliklinika Qëndrore e këtij qyteti ndërsa raportohet për të paktën 3 të plagosur.
Ka qenë një person që ka qëlluar në drejtim të një lokali ku ndodheshin të plagosurit. Njëri prej të plagosurve ka marrë një plumb në këmbë dhe ndodhet jashtë rrezikut për jetën. Ai është Zhuver Sheka 24 vjeç, i cili u qëllua me plumb në këmbë dhe aktualisht ndodhet në spital jashtë rrezikut për jetën.
Policia dyshon se kemi të bëjmë me atentat dhe ka nisur hetimet për të zbardhur ngjarjen.
Për momentin nuk dihet identiteti i të plagosurëve, ndërsa nuk ka të dhëna as për autorin.
Njoftimi i Policisë
Rreth orës 22:05, një person ka qëlluar me armë zjarri në drejtim të një lokali, për motive të dobëta. Ngjarja ka ndodhur në zonën e ambulancës pranë një lokali, ku për pasojë kanë mbetur të plagosur 3 shtetas (dy prej tyre në këmbë, tjetri në njërin krah) : 1- M.Sh., 20 vjeç, banues në Vlorë. 2- Zhuver Sheka, 24 vjeç, banues në Vlorë. 3- F.K., 18 vjeç, banues në Vlorë.
Të dëmtuarit ndodhen në Spitalin Rajonal Vlorë, jashtë rrezikut për jetën. Policia ka identifikuar autorin e dyshuar dhe po punon për kapjen e tij. Grupi hetimor ndodhet në vendngjarje dhe po punon për sqarimin e rrethanave të ngjarjes.
Dyshohet se autori i dyshuar në lidhje me këtë ngjarje është shtetasi: – E.A. 31 vjeç. Policia po punon intensivisht për kapjen e tij.
