4 shqiptarë të arrestuar është bilanci i një operacioni kundër prostitucionit dhe trafikut të drogës në Itali.
Hetimet e policisë italiane të mbyllura javën e kaluara janë shtrirë në Casetta, Modena dhe Bari.
Shqiptarët e arrestuar janë Gazmir Difaj, 41- vjeç, Bledjan Curri, 30, Arnis Difaj 22 – vjeç dhe Altin Koleci 39 vjeç të cilët shfrytëzonin pesë vajza nga Europa Lindore si prostituta.
Gjatë arrestimit u sekuestruan 19 kg lëndë narkotike.
Operacioni i policisë u zhvillua në provincat e Kazertës, Modena-s dhe Barit, pas hetimeve që nisën nga prilli i vitit 2013 deri në qershor të 2014-ës.
Karabinierët e Aversas, në koordinim me Prokurorinë zbuluan të gjithë gjurmët që i drejtuan tek grupi i shqiptarëve, duke mundësuar ngritjen e akuzave dhe caktimin e masës së sigurisë “arrest me burg” për katër shqiptarët.
