Ministri i Drejtësisë, Ulsi Manja deklaroi këtë të Enjte nga foltorja e Kuvendit se PS do kërkojë votat e opozitës në mënyrë që mandati i KPK-së dhe komisionerëve publik të zgjatet deri në përfundim të procesit të vetingut.
“Ky është një mandat kushtetues, zgjatja e mandatit kërkon ndërhyrje në Kushtetutë, ne nuk i kemi në fakt votat e nevojshme për të ndërhyrë në kushtetutë, por do të kërkojmë mirëkuptimin dhe konsensusin e opozitës”, tha ai.
“Për ne mbarimi i procesit të vetingut si një nga shtyllat e reformës në sistemin e drejtësisë është garanci për të pasur një drejtësi të konsoliduar dhe të drejtë në Shqipëri”, shtoi.
