Në Serinë A, Juventusi ka bërë një nisje katastrofike por në Champions League, bardhezinjtë nisën aventurën e tyre pa Ronaldon me një fitore të pastër dhe të thellë 3-0 në transfertën ndaj Malmos.
Shumë të fortë italianët për një ekip si Malmo ku gjithçka u vendos në pjesën e parë pasi Alex Sandro në 23’, Dybala në 44’ dhe Morata në 45+1’ vulosën fitoren 3-0 në Grupin H.
Po për këtë Grup, Chelsea startoi me një fitore të vështirë 1-0 në “Stamford Bridge” ku gjithçka e vendosi i përhershmi Romelu Lukaku me një gol në 69’ nga belgu.
Kampionët e Europës në fuqi e nisën kështu mbrojtjen e titullit duke mposhtur Zenitin përpara tifozëve të tyre dhe tashmë ndajnë kryesimin me Juventusin.
Nw ndeshjet e tjera, Atalanta mori një barazim me vlera 2-2 ndaj Villarreal në transfertë ku pas avantazhit të Freuler në 6’, u përmbys nga golat e Trigueros në 39’ dhe Groenveld në 65’ por Gosens në 83’ barazoi gjithçka.
Në sfidën tjetër të grupit G, Lille dhe Wolfsburg ndanë pikët në një barazim pa gola, ku ekipi gjerman u detyrua të luante pothuajse gjithë pjesën e dytë me 10 lojtarë.
