“Big Brother VIP” do të nisë me 1 tetor. Që në momentin që u përfol se ky “reality show” do të kthehej në ekran, nisën aludimet e shumta se cilat mund të jenë personazhet e përzgjedhura për të marrë pjesë dhe më në fund është zbuluar emri i parë, pas një postimi nga produksioni. Ajo është këngëtarja që ka dalë nga një tjetër reality show, “X Factor”, Sheila Haxhiraj.
Ndërkohë “Panorama Plus”, nëpërmjet burimeve të saj, ka zbuluar edhe emrin e dytë surprizë. Ai është aktori e moderatori i njohur Romeo Veshaj. Ai është parë shpesh këto ditë në ambientet e “Top Channel” dhe të njohur të tij kanë treguar se ka qenë në bisedime pikërisht për lidhjen e kontratës me këtë televizion, për t’u bërë pjesë e këtij formati, ku nëse do të jetë lojtar i fortë, do të qëndrojë për 100 ditë dhe do të mund të fitojë 100 mijë eurot.
