Greqia është goditur nga tre tërmete brenda pak orëve ditën e sotme. Raportohet se tërmeti i parë kishte magnitudë 3.2 Rihter, dhe me epiqendër tre kilometra në verilindje të Tebës, me një thellësi prej 10.4 km.
Dy lëkundjet e tjera u regjistruan brenda një minute.
Termeti i dytë me magnitudë 3 Rihter ndodhi në 8:27:48 në 3 km në verilindje të Tebës dhe me një thellësi fokale prej 13.3 km, ndërsa i treti kishte magnitudë 3.5 Rihter dhe ndodhi 3 km në lindje të Tebës dhe me një thellësi fokale prej 11.3 km.
Greqia është prekur vazhdimisht nga tërmetet kohët e fundit, sizmologu Dr Athanasios Ghanas tregoi se komuniteti shkencor po vazhdon të monitorojë fenomenin, i cili mund të zgjasë edhe për disa muaj të tjerë.
