Emisioni “Goca dhe Gra” nisi ditën e sotme transmetimin në ekranin e Top Channel. Katër vajza moderojnë emisionin, Fatma Haxhialiu, Olesia Leço, Krista Merkoçi dhe Tea Trifoni.
Teksa po diskutonin për pushimet verore, Tea zbuloi se i ka kaluar nga jugu i Shqipërisë deri në Dubai.
“E fillova me jugun e Shqipërisë, e pastaj në Dubai. Atje isha në maj dhe ishte tmerrësisht nxehtë. Një javë kalova atje. Por mund të them me plot gojë që gjatë një jave që kam qëndruar në Dubai, kam harxhuar më pak sa harxhova një fundjavë në jug”, tha ajo, ku shtoi se ka shkuar me shoqërinë dhe se çdo gjë ka paguar vetë.
“Normale që me lekët e mia shkova. Në Dubai shkova me shoqërinë time dhe çdo gjë e pagova vetë”, shtoi Tea, e ngacmuar nga Fatma Haxhialiu që e pyeti nëse i ka paguar vetë pushimet.
