Një 50-vjeçar i cili punonte në një pallat në ndërtim ka rënë nga lartësia këtë të Shtunë.
Policia njoftoi se “rreth orës 09:10, në rrugën ‘Faik Konica’, në një pallat në ndërtim ka rënë nga lartësia punëtori shtetasi R.D., 50 vjeç, i cili po dërgohet në spital, për ndihmë mjekësore”.
Vijon puna nga grupi hetimor për sqarimin e rrethanave të ngjarjes, shtuan të njëjtat burime.
Disa ditë më parë, një rast i ngjashëm përfundoi në mënyrë fatale për një 55-vjeçar, i cili humbi jetën pasi ra një lartësi teksa punonte në një pallat në ndërtim.
