Ish-konkurrentja e “Për’puthen +40”, Stela Nikolla, doli nga programi së bashku me Çimin, por u ndanë papritur pas pak kohësh.
Ditën e sotme, e ftuar në emisionin “Shqipëria Live”, ajo donte të sqaronte disa fjalë që tha Lindita Bimi. Lindita tha se ajo në një farë mënyre është arsyeja se pse Stela dhe Çimi ishin ndarë. Sipas saj, Stela është mërzitur pasi ai herë pas here përmendte emrin e Linditës.
“Nuk ka të vërtetë fare në fjalët e Linditës. Unë nuk jam mërzitur, ka bërë mirë që e ka falenduar, do të thotë se është njeri i mirë. Më ka mërzitur reagimi i Cimit, që tregon se është njeri i vogël. Nuk ka pasur as guximin që mua të më sqaronte se ne nuk jemi bashkë. Thjesht një ditë nuk më ktheu përgjigje në telefon. Nuk është se insistova shumë. Madje bëra shaka në një postim, ku thashë kush e shikon të më tregojë se si është”, tha Stela.
Stela nuk la pa përmendur edhe Gilbertën, e cila para disa ditësh postoi disa foto ku tregonte “çiftin e ri”, pikërisht Lindita me Çimin.
“Një natë më parë fola me Gilertën dhe më tha si ka mundësi që ndodhi kjo. Çimi të donte. Të pasnesërmen Gilberta poston foto për çiftin e ri. Thjesht për disa ndjekës më shumë në rrjetet sociale”, shtoi Nikolla.
E pyetur nëse Çimi e ka tradhtuar, ajo e hodhi poshtë këtë mundësi.
“Nuk mendoj se më ka tradhtuar, në momentin që ishte me mua. Nuk ka qenë një kohë e gjatë, por ai i di vlerat e mia. Kam armët e mia sekrete dhe nuk mund të më tradhtojë”, përfundoi Stela.
