Reperi Stresi ka reaguar i trishtuar pas lajmit të dhimbshëm për ndarjen nga jeta të nipit të ish-zëvendësministrit të Infrastrukturës në Kosovë, Rexhep Kadriu. Eronit Sermaxhaj u nda nga jeta në moshën 22-vjeçare pas një beteje 4-vjeçare me kancerin.
Reperi ka dhënë një mesazh me vlerë për të gjithë ndjekësit e tij. Ai shprehet se duhet t’ju ofrojmë sa më shumë dashuri të gjithë njerëzve sa janë gjallë, sepse kur ndahen nga jeta fjalët e mira nuk kanë më vlerë.
“Shpirti i vëllait s’di ça të them tjetër përveçse lamtumirë o engjëll.
Kur një njeri që e kam dashur dhe ndërron jetë mua më prishet gjithë dita dhe përmbyset gjithçka për momentin. Nuk flas kot e bërtas duajeni more nënën, babain, vëllain, motrën dhe njerëzit e afërt që dhanë prova për ju. Një jetë kemi dhe vetëm pasi vdes dikush i japim poezi e themi ishte njeri i mirë, jo s’jam dakord aspak duaje sa është gjallë që të mos pendohesh kur të vdes”, shkraun reperi.
