Një veprim i turpshëm dhe i pazakontë ka ndodhur në Indi. Mediat ndërkombëtare shkruajnë se 6 vajza, 5 prej tyre ende nuk kanë mbushur 5-vjeç, kanë sfiluar nudo gjatë një rituali për të nxituar reshjet e shiut, veprim i cili ka ngjallur indinjatë të madhe.
Mësohet se ceremonia ka ndodhur në një fshat të Shtetit të Madhya Pradesh, i cili është goditur nga thatësira. Pamjet e publikuara në rrjetet sociale tregojnë vajzat e vogël që vizitojnë kasollet e fshatit, duke mbajtur në dorë shkopinj druri në të cilat janë varur disa bretkosa dhe ndiqen nga gra të cilat këndojnë himne.
Komisioni kombëtar për mbrojtjen e të drejtave të fëmijëve i ka kërkuar policisë një raport për këtë incident, por policia e zonës është përgjigjur që nuk ka marrë asnjë denoncim dhe do të ndërhyjë vetëm nëse do të zbulojë që vajzat janë detyruar të marshojnë me dhunë.
‘Banorët e zonës besojnë që kjo është një mënyrë për të siguruar dashamirësinë e zotave’, ka thënë komisari, duke sqaruar: ’Në raste si ky, ne mund të shpjegojmë vetëm kotësinë e bestytnisë dhe të përpiqemi ta bëjmë të qartë se asgjë nuk arrihet me këto praktika” është shprehur ai.
