Elsaed Tirana, 22 vjeç dhe Eslajed Tallalli, 21 vjeç janë dy të rinjtë e prangosur sot nga Policia e Kosovës, të cilët i kapën duke transportuar afron 9 kilogramë kokainë. Mësohet se të dy të arrestuarit janë nga Shkodra.
Referuar raportimeve nga mediat e Kosovës, Tirana dhe Tallalli kanë rrëfyer para grupit hetimor se e kishin për herë të parë transportimin e kokainës. Ata nuk kanë pranuar të japin emrat e pronarëve të drogës së mbështjellë me kuti të markës ‘Dior” dhe as të atyre që e prisnin ‘mallin’ në Kosovë.
Elsaed Tirana dhe Eslajed Tallalli u kapën pas kontrolleve në pikën kufitare të Morinës. Poshtë sediljes së pasme të mjetit të llojit “Peugeot” u pikas kokaina e futur në kuti “Dior”.
