Varianti “Mu” i COVID-19 është zbuluar në dy persona në Turqi.
I identifikuar për herë të parë në Kolumbi këtë janar, varianti “Mu” deri tani është gjetur në 39 vende teksa kohët e fundit u klasifikua si një “variant interesi” nga Organizata Botërore e Shëndetësisë, shkruan Daily Sabah.
Sipas OBSH-së, varianti përbën më pak se 0,1 përqind të infeksioneve në të gjithë botën, por prevalenca e tij në Kolumbi dhe Ekuador është në rritje dhe ka qenë përkatësisht në 39 përqind dhe 13 përqind, deri në fund të gushtit.
Duke folur me gazetarët, ministri i Shëndetësisë, Fahrettin Koca, tha se Turqia po monitoron situatën dhe asnjë masë e re nuk merret parasysh për momentin.
