Kryeministri Edi Rama u shpreh mbrëmjen e sotme në emisionin Opinion se ishte i gatshëm t´i jepte opozitës një super ofertë, nëse ata do të thonin se nuk do të shanin Shqipërinë në gjuhë të huaj.
“Nëse ata do të thonë publikisht se nuk do të shajnë vendin në anglisht, nuk e di po do t´i japim opozitës një super-ofertë”, tha Rama.
Kryeministri nuk pranoi të zbardhte më shumë, por tha se “së pari opozita duhet të premtojë një gjë të tillë”.
“Nuk mund t´i marrim gjërat një nga një, por po u them se do t´i bëjmë një super ofertë, nëse ata na ofrojnë këtë gjë”, ripërsëriti Rama.
