Vllaznia ka marrë kryesimin sa i takon milionave. Në transfermarkt, shkodranët janë skuadra më me vlerë në Superligë sa i takon vlerës së lojtarëve. 4.73 milionë euro përllogaritet vlera e skuadrës së Vllaznisë, që me afrimet e fundit merr kreun e klasifikimit të milionave.
Në vendin e dytë është Tirana, që humbet pikë me largimin e Jurgen Çelhakës. 4.35 milionë euro është vlera e bardhebluve, me merkaton që ende nuk është mbyllur. Deri në datën 5 shtator skuadrat kanë kohë të përforcohen ose dobësohen, duke rritur ose ulur vlerën në treg.
Sipas Transfermarkt, në vendin e tretë qëndron Teuta, me 4.10 milionë euro. Muajin e shkuar, durrsakët ishin në vendin e parë, teksa humbasin pikë me largimin e Bregut. Kukësi vijon renditjen me 3.93 milionë euro, më tej Laçi me 3.88 milionë euro dhe Partizani me 3.8 milionë euro.
Dinamo, Skënderbeu, Egnatia dhe në fund Kastrioti mbyllin vlerësimin e milionave. Në total vlera e Superligës shqiptare shkon në 36.5 milionë euro.
- Vllaznia- 4.73 milionë euro
- Tirana- 4.35 milionë euro
- Teuta- 4.10 milionë euro
- Kukësi – 3.93 milionë euro
- Laçi- 3.88 milionë euro
- Partizani 3.8 milionë euro
