Një ngjarje e çuditshme por e rrezikshme ka ndodhur një ditë më parë në Kosovë. Mediat vendase shkruajnë se një 33-vjeçar ka gëlltitur para 4 ditësh një telefon, dhe mjekëve iu desh kohë për t’ja nxjerrë. Lajmin e bëri me dije mjeku i rastit, Skender Telaku.
Ai tregoi për mediat se fillimisht ata nxorrën nga barku i të riut kapakët e telefonit e më pas bateria. “Ata më thirrën për një rast, ishte një person që kishte gëlltit një trup të huaj, u desht të bëhet gastroskopia me urgjencë, kur hynëm në lukth e pam që ishte telefoni i ndarë në pjesë tri pjesë. Një pjesë ishte kapaku i përparshëm dhe i pasmi i plastikës, plus bateria brenda.
Hyjmë me pajiset që i kemi këtu, njëherë e nxorëm një pjesë, mandej pjesën tjetër, në fund e nxorëm edhe baterinë, nga të gjitha këto pjesë bateria është më e rrezikshmja sepse ajo pjesë ishte ajur dhe mund të shpërthejë. Mund të lëshojë materie kimike dhe mund t’i shpërthejë zorrët.
Ky nuk është operacion, është rrugë endoskopike, nga goja e kemi nxjerrë, sikur të mos kishim sukses do të duhej me pre barkun dhe me nxjerrë nga barku. Jemi mundu dy orë dhe u nxorr. Të premten e ka përbi deri të hënën i ka qëndru. Pacienti mirë është, e nxorrëm, nuk është lehtë me punu në dy orë, por shpërthim nuk pati. Diku ndodhin spontanisht, e diku me qëllim”, tha ai./Express
