Mes dhimbjes së madhe të shkaktuar sepse i sollën trupin e vdekur të djalit 9 vjeç në duar, që humbi jetën teksa po luante me shokët e tij në Zakinthos, ka folur për mediat greke, babai shqiptar i vogëlushit.
“Nuk kam fjalë për këtë gjë që ka ndodhur. Më sollën trupin e vdekur të ftohtë të djalit në duart e mia. Ma solli babai i shokut të tij dhe komshiu im. Ai iku nga kjo jetë menjëherë, nuk u dëgjua asnjë i bërtitur apo zë. Po luante me shokët e tij”, tha babai i viktimës së pafajshme i mbrëmjes së djeshme. Do marr masa ligjore”, u shpreh babai.
Me zë që i dridhej dhe sy të mbushur në lot, daja i 9-vjeçarit i rrënuar nga kjo humbje tragjike, tha se familja ka bërë shumë sakrifica për ta rritur dhe është një dhimbje e papërshkrueshme mënyra e ikjes së tij.
“Jam pa fjalë. Iku një ëngjëll që e kemi rritur me shumë sakrifica. Vetëm ne e dimë gjërat që kemi kaluar vetëm që ta rrisim dhe iku në këtë mënyrë, kaq tragjike”, u shpreh daja i vogëlushit, që nuk rron më tashmë.
