Një i ri në Berat është plagosur me armë zjarri rreth mesnatës, në rrethana të paqarta.
Policia informoi se “në spitalin e Beratit ka shkuar shtetasi T.F., 24 vjeç për ndihmë mjekësore, dyshohet i plagosur me armë zjarri në rrethana ende të paqarta në lagjen “Dëshmoret e Kombit”, pranë Xhamisë”.
Efektivët e Policisë dhe grupi hetimor kanë shkuar menjëherë në vendngjarje.
Nga veprimet e para hetimore është bërë e mundur identifikimi i autorit të dyshuar.
Vijon puna intensive për kapjen dhe arrestimin e autorit të dyshuar, ndërsa grupi hetimor vijon punën për zbardhjen e plotë të rrethanave të ngjarjes, shtuan të njëjtat burime.
