Një makinë është përfshirë nga flakët, pasditën e sotme në qendër të Elbasanit.
Mësohet se flakët janë neutralizuar pasi në vendngjarje kanë mbërritur forcat zjarrfikëse.
Informacionet policore bëjnë me dije se makina në momentin kur është përfshirë nga flakët ka qenë e parkuar, ndërsa dyshohet se zjarri ka ardhur si pasojë e një shkëndije elektrike.
Njoftimi i policisë
Elbasan/ Informacion paraprak
Më datë 18.08.2021, rreth orës 17:55, në lagjen “Kala”, Elbasan ka rënë zjarr në automjetin në pronësi të shtetasit E.S., 22 vjeç, banues në Elbasan , i cili ishte i parkuar. Si pasojë e zjarrit, automjeti është djegur pjesërisht.
Nga veprimet e para hetimore dyshohet se zjarri ka ardhur si pasojë e një shkëndije elektrike. Grupi hetimor vijon punën për përcaktimin e saktë të shkakut të rënies së zjarrit.
