Influencerja e njohur e Instagram-it, 19-vjeçarja e quajtur Lorraine Cutier Bauer Romeiro, është arrestuar nga policia. Sipas policisë së Sao Paulo në Brazil ajo u kap në qytetin e Barueri në shtëpinë e saj ku ajo mbante të fshehur kokainë dhe marihuanë.
Sipas autoriteteve braziliane, 19-vjeçarja bënte një jetë të dyfishtë pasi gjatë ditës ajo ishte një influencer në mediat sociale ndërsa gjatë natës zhvillonte aktivitetin kriminal së bashku me të dashurin e saj.
Në momentin që ajo u kap nga policia e reja kishte hequr veshjet elegante të modës që ekspozonte në Instagram pasi ajo mbante të veshura rroba të gjera dhe një bluzë me kapuç për të fshehur fytyrën .
E reja u kap në një lagje të qytetit Barueri e njohur për tregtinë e drogës dhe numrin e lartë të narkomanëve.
