Këngëtarja amerikane, Bella Thorne ka falënderuar FBI-në për arrestimin e një prej burrave që dyshohet se janë përgjegjës për piraterinë ndaj llogarisë së saj në Snapchat në qershor 2019.
Thorne shkroi: ‘Unë dua të falënderoj FBI për kërkimin e palodhur për personin që e bëri jetën time dhe të tjerëve një ferr të gjallë.’
Sipas Daily Mail, Joseph O’Connor, një 22-vjeçar britanik, u arrestua në Spanjë të Mërkurën në lidhje me krimin ndaj Thorne në 2019, si dhe sulmin e vitit të kaluar të llogarive në Twitter që u përkisnin personave të famshëm dhe politikanëve.
Në atë kohë, hakeri kishte kërcënuar të publikonte foto nudo të gjetura në llogari të Thorne. Në vend që të pranonte kërkesat e hakerit, Thorne, 23 vjeç, vendosi të publikojë vetë fotografitë e saj nudo në Twitter.
Departamenti i Drejtësisë tha se O’Connor përballet me akuza në lidhje me aksesin e paautorizuar të kompjuterit, zhvatjen dhe sulme kibernetike.
O’Connor, i cili mban emrin ‘PlugWalkJoe’ në internet, gjithashtu akuzohet se ka ndihmuar në organizimin e sulmit të llogarisë së Addison Rae në TikTok, sipas Departamentit të Drejtësisë.
