Ecuria e skuadrave shqiptare në Europë, nuk është vetëm e vlefshme për aspektin sportiv, por mbi të gjitha për atë financiar.
Kampionët në fuqi të Teutës, pas 540 mijë eurove të arkëtuara nga UEFA, si fitues të titullit dhe pjesëmarrës në turin e parë kualifikues të Championsit, në turin e dytë të Konferencë Ligës, luajnë për 100 + 350 mijë euro.
Pjesa e parë e pagesës është e sigurt, ndërsa në rast se kualifikohen për të luajtur me Shamrokun, nuk do ta përfitojnë pjesën prej 350 mijë eurosh. Në turin e tretë, skuadra durrsake luan për një tjetër shumë prej 100 mijë eurosh plus 550 mijë euro. Edhe në këtë rast, pjesa e dytë e tarifës, nuk merret në rast kualifikimi. Në fazën play off, shifra për t’u përfituar është 750 mijë euro.
Kampion 260 mijë euro
Champions 280 mijë euro
Turi II Konferencë 100 + 350 mijë euro
Turi III Konferencë 100 + 550 mijë euro
Play Off Konferencë 100 + 750 mijë euro
Grupet Konferencë 2.940 mln euro
Totali deri në play off 1.590 mln euro
Shpjegim: Deri në Play Off, nga Konferencë Liga merr vetëm shifrën prej 100 mijë eurosh në çdo tur dhe në fund, aty ku eliminohesh, merr tarifën përkatëse (në këtë rast, 750 mijë euro).
