VIDEO/ I armatosur dhe i maskuar, ja si shqiptari grabiti bankën në Greqi

Një 42-vjeç shqiptar, i arratisur nga burgu, së bashku me një shtetas grek 58-vjeç, u arrestuan nga policia, për grabitjen e një filiali banke, ngjarje e ndodhur ditën e djeshme në Peristeri, Athinë.

Mediat greke kanë publikuar pamjet e momentit kur shqiptari futet brenda në bankë i maskuar dhe armatosur.

Nën kërcënimin e armës, shqiptari bllokoi arkëtarin dhe mori shumën që gjendej brenda më pas doli duke u larguar me bashkëpunëtorin e tij grek që po e priste.

Dy grabitësit u lokalizuan dhe pavarësisht rezistencës u arrestuan. Shqiptari, identiteti i të cilit nuk publikohet iu sekuestruan një pistoletë me mulli, fishekë, një shumë në euro, që grabiti dhe veshjet e përdorura.

LEXO EDHE  Shkeljet me tenderat në Ministrinë e Brendshme, SPAK po verifikon kallëzimin e KLSH

Grekut iu gjet një armë, dy hanxharë dhe makina që përdorën për t’u larguar nga vendi i ngjarjes.

Policia greke thotë se shqiptari ishte arratisur nga burgu në 20 janar të vitit të kaluar, ku po vuante dënimin 28 muaj për vjedhje, rezistencë dhe hyrje ilegale në Greqi.