Kryetari i Bashkisë së Vlorës, Dritan Leli, ka takuar përfaqësuesit e biznesit vlonjat, që gjatë ditës së sotme kanë protestuar duke mbajtur të mbyllur lokalet e tyre, pasi kundërshtojnë ndalimin e muzikës në orën 22:00 të mbrëmjes.
Pak më parë ishte kryeiministri Edi Rama, ai që nëpërmjet një postimi në Twitter hodhi poshtë kërkesën e bizneseve, ndërsa nga ana tjetër kryetari i Bashkisë Dritan Leli ka shkuar dhe ja dëgjuar shqetësimet e tyre.
Kërkesat që kanë bizneset në Vlorë i drejtohen qeverisjes qëndrore, e megjithatë Leli ka zgjedhur ti takojë ata në mënyrë për të gjetur një zgjidhje, që i shërben dhe jetës turistike e ekonomike të qytetit.
Duket se Kryebashkiaku, ndaj të cilit prej kohësh ka filluar një sulm nga Kryeministri dhe të tjerë zyrtarë të Rilindjes, mund të zgjedhë të jetë në krah të qytetarëve të tij.
