Greqia po njeh shifra gjithnjë në rritje të rasteve të reja duke krijuar shqetësim për qeverinë dhe banorët. Vetëm 24 orët e fundit u regjistruan 2,107 të infektuar të rinj me kovid.
Vetëm 5 prej tyre janë gjetur në vendkalimet kufitare, raporton noa.al.
Numri i përgjithshëm i rasteve arriti në 433,021 (ndryshim ditor + 0,5%), nga të cilat 51,2% janë meshkuj.
Në analizën për 24 orët e fundit, autoritetet shëndetësore greke thanë se ndër 2,107 rastet e reja, 146 janë persona që kanë jetuar ose udhëtuar jashtë shtetit dhe shtatë ditët e fundit kanë qenë nën vëzhgim që ka zbuluar infektimin e tyre.
Vdekjet e reja të pacientëve me COVID-19 janë 10, ndërsa që nga fillimi i epidemisë janë regjistruar gjithsej 12,773 vdekje. 95.2% kishin sëmundje themelore dhe / ose moshë 70 vjeç e lart.
Numri i pacientëve të trajtuar me intubim është 153 (68.0% burra). Mosha e tyre mesatare është 66 vjeç. 88.2% kanë një sëmundje themelore dhe / ose moshë 70 vjeç e lart.
Në 24 orët e fundit u shtruan 68 persona në spitale. Mosha mesatare e rasteve është 43 vjeç, ndërsa mosha mesatare e vdekjes është 78 vjeç.
