Kryeministri i vendit Edi Rama lajmëroi vetë koncertin e Filarmonisë së Vjenës bashkë me violinistin shqiptar Shkëlzen Doli që vjen në Tiranë në datën 2 janar.
Ky është koncerti më i rëndësishëm i vitit në Vjenë, për vetë faktin se është muzika më e lartë e Filarmonisë së Vjenës.
U prit me shumë dashuri nga artëdashësit shqiptarë ky lajm dhe të gjithë u “turren” të blejnë bileta me cmime nga 30, 50, 60 dhe 70 mijë lekë në Pallatin e Kongreseve. Shumë prej të cilëve dolën të zhgënjyer pasi nuk gjetën as bileta.
Nuk ishte parë ndonjëherë ajo rradhë para sportelit të biletave për një koncert të muzikës së lartë në kryeqytetin tonë sa u habitën të gjithë. Vetë kryeministri nxorri një foto në faqen e tij zyrtare Facebook ku shprehte “kënaqësinë” e tij duke parë atë rradhë.
Por tenori Agim Hushi, një prej zërave tanë më të mirë me anë të një statusi në Facebook sqaron të gjithë se koncerti i datës 2 janar në Tiranë nuk do të jetë filarmonia e Vjenës, sikundër pretendon kryeministri shqiptar, Edi Rama, por do të performojë një asnambël me pesë vetë.
Hushi thotë se koncerti po reklamohet për qëllime partiake dhe se në Tiranë do të performojë një asnambël me pesë vetë nga Vjena dhe jo e gjithë filarmonia. Sipas tij politika po e përdor figurën e Shkëlzen Dolit për shoë.
Më poshtë reagimi i plotë i Agim Hushit.
Të dashur miq që më keni shkruar në inbox dhe më keni kërkuar t’ju ndihmoj për bileta për koncertin e mikut tim, violinistit Shkëlzen Doli.
Ju sqaroj së pari se mënyra se si po reklamohet ky koncert për arsye të ndryshme, përfshirë ato partiake, nuk është as e vërtet, as profesionale.
Për këtë nuk mund të gjykohet miku im i mirë dhe violinisti i mrekullueshëm Shkëlzen Doli.
Nuk po vjen filarmonia e Vienës një ditë pas koncertit tradicional të famshëm në Vienë më 1 janar, por një ansambël me 5 vetë nga Viena, me instrumentistë me origjinë nga vende ballkanike, pjesë e të cili është dhe Shkëlzeni.
Këtë njoftim e bëj për të sqaruar miqtë e mij këtu në Tiranë dhe për t’i thënë poltikës mos bëjë shoën e radhës me talentin e Shkëlzen Dolit, talenti i të cilit ia vlen të dëgjohet edhe i vetëm në skenë, dhe që do mbushtë sallën edhe pa ndihmën e Partisë.
