Është mbyllur në barazim 1-1, koha e rregullt mes Italisë dhe Spanjës teksa skuadrat do t’i drejtohen kohës shtesë për të përcaktuar finalisten e parë të EURO 2020.
Fillimisht në avantazh kaluan “azurrët” me anë të Federico Chiesas në minutën e 60-të. Futbollisti i Juventusit çoi peshë zemrat e tifozëve italianë me një supergol.
Gjithsesi, iberikët u përgjigjën me anë të Alvaro Moratës në minutën e 80-të. Aksion i bukur nga skuadra e Luis Enrique dhe veritikalizim perfekt aty ku sulmuesi mposhti Donnarumma.
