Më 24 prill 1990, anija kozmike Discovery lëshohet nga Toka drejt hapësirës dhe arrin orbitën në vetëm tetë minuta e gjysmë: në brendësi të saj teleskopi i fuqishëm hapësinor Hubble, që do të bëhej më i suksesshmi në llojin e tij.
Sidoqoftë, ka mundësi që mbretërimi i Hubble të ketë mbaruar.
Më 13 qershor, një përbërës thelbësor që operonte teleskopin ndaloi së funksionuari.
Operatorët janë përpjekur me guxim për ta rregulluar, por kanë dështuar dhe, që nga e mërkura, Teleskopi Hapësinor Hubble nuk është më funksional.
Hubble ka vëzhguar në distanca të mëdha, duke shquar galaktikën më të largët të vëzhguar ndonjëherë, një galaktikë e formuar 400 milionë vjet pas Shpërthimit të Madh, vetëm 3% e moshës aktuale të Universit.
Në distanca më të afërta, ai ka fotografuar me qindra mijëra galaktika antike të formuara shumë kohë para se Toka të ekzistonte, secila galaktikë një metropol yjor i gjerë dhe i begatë, ku lindën “jetuan” dhe u shuan me qindra miliarda yje.
Këto galaktika ekzistuan gati dhjetë miliardë vjet para se të ekzistonte Toka.
Teleskopi Hubble zbuloi hëna që rrotullohen rreth Plutonit dhe vërtetoi se pothuajse çdo galaktikë ka një vrimë të zezë supermasive në zemrën e saj.
Ai madje ka ndihmuar në krijimin e një harte të gjerë tridimensionale të lëndës së errët, një substancë që nuk mund të shihet dhe ekzistencën e së cilës mund ta nxjerrim vetëm përmes matjeve të sakta astronomike të lëndës së zakonshme.
Me çdo aspekt, Teleskopi Hapësinor Hubble është një instrument i suksesshëm.
