Nxehtësia e padurueshme prek jo vetëm njerëzit, por edhe kafshët që kërkojnë freski kur është e mundur.
Kjo ndodhi me një kal të vogël nga raca e mbrojtur e kuajve të Ainos të Kefalonia, Greqi e cila u shkëput nga tufa e saj për t’u zhytur në pishinën e një vile!
Kali i bukur u gjet në fshatin bregdetar të Katelios në Komunën e Eleios-Pronos me vetëm 40 banorë.
Sidoqoftë, ai nuk mund të dilte dhe u njoftua Departamenti i Zjarrfikësve.
Zjarrfikësit e lidhën me rripa dhe e nxorën nga pishina.
Më vonë, ai u la i lirë për t’u kthyer në tufë.
Operacioni i shpëtimit u regjistrua nga banori lokal David Evans dhe ai i postoi fotot në një postim në mediat sociale.
Kuajt e vegjël të Ainos janë një grup i vogël që jeton lirshëm në një gjendje gjysmë të egër në shpatet juglindore të malit homonim në Kefalonia.
