Policia e Durrësit ka arrestuar një 42-vjeçar, pasi akuzohet se ka përplasur me makinë një 61-vjeçare.
Ngjarja ka ndodhur në aksin rrugor Fushë Krujë-Ura e Gjolës, ku shtetasi A.I., 42-vjeç banues në Tiranë, duke drejtuar mjetin tip “Volkswagen ka aksidentuar shtetasen F.S., 61-vjeç.
Mësohet se fatmirësisht gjendja e saj është në kontroll, nën kujdesin e mjekëve.
“Specialistët e Qarkullimit Rrugor në Drejtorinë Vendore të Policisë Durrës arrestuan në flagrancë shtetasin A. I., 42 vjeç, banues në Tiranë, pasi në aksin rrugor Fushë Krujë-Ura e Gjolës, duke drejtuar mjetin tip “Volksëagen”, ka aksidentuar shtetasen F. S., 61 vjeçe, banuese në Fushë Krujë, e cila ndodhet nën kujdesin e mjekëve”, njofton policia.
