Deputeti Lefter Maliqi shprehet se në vjeshtë “duhet të bjerë mafioz diktatorial i Rilindjes”.
Në një postim në FB, Maliqi shpërndan një foto të disa viteve më parë në Kuvend. Në komentin që e shoqëron, shkruan:
“Një përballje e pazakontë në parlament. Një përballje me forcën e makinerisë së kalbur shtetërore që si një gjigand prej rëre, duket i fortë e hijerëndë kur e sheh, por shkërmoqet në puhizën e parë që sjell një dallgë. Dallga e revoltave popullore do shkërmoqë këta specialistë të dukjes e mashtrimit, që nuk janë as socialistë. Specialistë e jo socialistë, sepse nuk prononcohen as sot kur Shqipëria serish rrëzohet e mbetet pa negociata me BE-në. Shqipëria nuk iu dhimbset, kurse ata vetë nuk rrëzohen pa kurajo, përballje, mobilizim, bashkim”.
Më tej shton:
“Do mbaroje kjo verë e thatë, e në vjeshtë, ashtu si bien gjethet duhet të bjerë dhe Regjimi mafioz diktatorial i Rilindjes. Atëherë, pak nga pak do fillojë të ngrihet Shqipëria e të ndrisë dielli i saj”.
