Një grua 34-vjeçare amerikane që ishte zhdukur në Rusi që nga e marta është gjetur e vdekur dhe një burrë rus është arrestuar nën dyshimin e vrasjes në lidhje me vdekjen e saj, ka informuar Komiteti Shtetëror i Hetimeve.
Agjencia ruse e lajmeve RIA tha se gruaja, të cilën ajo e quajti si Catherine Serou, kishte qenë një studente e diplomuar duke studiuar juridik në një universitet në rajonin e Nizhny Novgorod 420 km (260 milje) në lindje të Moskës që kur mbërriti nga California tre vjet më parë.
Serou, një ish marinse, u pa për herë të fundit duke u larguar nga shtëpia e saj në qytetin Bor dhe duke hyrë në një automjet të panjohur.
Trupi i saj u gjet të shtunën pas një kërkimi në shkallë të gjerë të zonës, sipas zyrtarëve rusë. Ndwrkohw, emri i të dyshuarit nuk është bërë i ditur ende.
Nëna e Serou, Beccy, dha një intervistë me NPR këtë javë nga vendlindja e saj Misisipi, ku ajo i tha medias se vajza e saj i kishte dërguar asaj një mesazh ogurzi në natën që u zhduk.
“Thotë:’ Në një makinë me një të huaj. Shpresoj të mos më rrëmbejnë. ‘ Dhe kjo është gjëja e fundit që ajo shkroi”,tha Beccy Serou për NPR.
“Unë mendoj se kur pa që personi nuk po shkonte me makinë në klinikë, por përkundrazi po voziste në një pyll, atë e kapi paniku”, tha Beccy Serou.
Nëna e saj beson se Catherine, e cila ishte zhvendosur në Rusi pasi shiti apartamentin e saj në Kaliforni tre vjet më parë, mund të ketë hyrë në makinën e gabuar duke menduar se ishte Uber-i i saj kur ajo nxitoi për në një klinikë aty pranë ku një pagesë nuk ishte kryer.
Komiteti Shtetëror i Hetimit i Rusisë tha se kishte hapur një çështje të hetimit penal për zhdukjen e ‘një shtetasi të huaj’ dhe një burrë i lindur në 1977 me një rekord të gjerë penal ishte arrestuar në lidhje me vdekjen e saj. Autoritetet ruse thonë se ai po bashkëpunon me hetuesit, sipas medias.
