Droga dhe operacioni i fundit i Policisë në lokalet e Bllokut, ku megjithëse u kapën vetëm 5 gram drogë, pati një jehonë të madhe mediatike dhe madje policia nuk ngurroi të publikonte edhe emrat e të arrestuarve mes tyre edhe thjesht përdorues janë bërë motiv për një debat të fortë dhe madje me fyerje mes gazetares Rezarta Delisula dhe pedagoges Iris Luarasi.
Në emisionin “Opinion” gazetarja Rezarta Delisula mbrojti idenë se policia duhet të bëj vëzhgime dhe ndërhyrje edhe para orës 12, kjo u kundërshtua nga Luarasi pasi i tha se “Të gjithë e dimë se jeta e vërtetë e natës fillon pas orës 12, dhe aksionet policore për drogë nuk mund të bëhen para kësaj ore”.
Por nuk ka mbaruar me kaq, pasi mendimet e dy të ftuarave janë përplasur edhe për diskotekat evropiane. Kur Delisula tha se “në të gjitha lokalet dhe diskotekat e Evropës pihet drogë”.
Por Luarasi e ka kundërshtuar këtë në mënyrë kategorike duke i thënë se: “Këtu njëherë je gabim, se nuk është e vërtetë. Nuk pihet drogë në të gjitha diskotekat, por në ato vende ku thyhet ligji, nuk mund të thuash në mënyrë absolute që të gjitha lokalet ne Evropë thyejn ligjin”
Por Delisuala ka vazhduar më tej duke thënë se: “Unë kam qënë në të gjitha diskotekat e Evropës, kam qënë në Amsterdam, kam qënë në Milano, kam qënë në Bruksel dhe kam parë njerëz që konsumojnë drogë”.
Më tej Iris Luarasi ka kaluar në fyerje, duke i ka thënë gazetare: “ Nëse ti ke shkuar në ato diskoteka ku shitet drogë se ke qef të se ke qeft ë shkosh dhe të konsumosh drogë ky është problemi yt”.
