Operatori i Shpërndarjes së Energjisë Elektrike, OSHEE, njofton se një automjet i shërbimit funeral me targat AA848KN ka goditur kabinën e OSHEE në Kombinat dhe si pasojë është dëmtuar rëndë transformatori që furnizon me energji pjesën qendrore të Kombinatit dhe rrethinat e tij.
Grupet e punës së OSHEE po punojnë për riparimin sa më shpejt të defektit i cili ka lënë pa energji 250 abonentë në këtë zonë. Ndërsa disa zona të tjera kanë mbetur pa energji, pasi firma private që punon për sistemimin e rrugës pranë shkollës “Isa Boletini” ka dëmtuar kabllin e linjës 20kV të fiderit A 23 N/St Rajonal. Si pasojë e këtij dëmtimi kanë mbetur pa energji, një pjesë e Paskuqanit, Kodër Kamëz dhe zona e Institutit Bujqësor. OSHEE ka marrë masa për furnizimin me linjë tjetër ndërkohë që punojnë për riparimin e avarisë.
