Autoriteti Izraelit i Antikiteteve ka njoftuar se arkeologët nga Izraeli kanë bërë gërmime në qytetin e Yavne dhe kanë gjetur një vezë pule, e paprekur 1000-vjeçare.
“Ky është një zbulim shumë i rrallë në Izrael dhe në botë. Gjetja e copave është gjithmonë një zbulim interesant kur jemi duke punuar në gërmime, por është relativisht e zakonshme, por gjetja e një veze të tërë është me të vërtetë është një fenomen unik”, tha Dr. Lee Perry nga IAA, shkruan Jerusalem Post.
Veza u gjet në një zonë që daton nga periudha Bizantine (nga shekulli 4 deri në VII pas Krishtit).
Menaxheri dhe arkeologu i IAA Alla Nagorsky shpjegoi edhe arsyet se përse veza ishte ruajtur në kushte kaq të mira për kaq shumë vjet.
“Ruajtja e shkëlqyeshme e vezës është ndoshta për shkak të kushteve në të cilat ajo qëndronte për shekuj, e mbrojtur në një rezervuar septik me mbetje të buta njerëzore. Ajo e ruajti atë aq mirë”, tha ai.
“Edhe sot, vezët rrallë mbijetojnë gjatë në paketimin e kartonit në supermarkete. Është e mahnitshme të mendosh se është një zbulim 1000-vjeçar”, shton ai. Veza e gjetur në qytetin e Yavne më tej u plas dhe u thye pasi u hoq nga vendi ku u zbulua, por u rikthye në gjendjen e saj origjinale në laboratorin e Administratës së Antikiteteve.
