Kreu i Vetëvendosjes për Shqipërinë, Boiken Abazi, i ftuar në emisionin Tempora, tha se zgjedhjet brenda PD i shërbejnë Edi Ramës.
Abazi u shpreh se gara për postin e kreut të Partisë Demokratike, po zhvillohen në një kohë kur vëmendja duhej të ishte ndaj krimit zgjedhor.
“Lulzim Basha nuk arriti të ngrinte një ëndërr. Nuk i tha njeri Bashës që vendose Vangjel Dulen në listë, vetë e vuri. As ato deklaratat e Xhelal Mziut në Dibër nuk i bëri Edi Rama, apo jo… Mendoj se tani vëmendja duhej të ishte te krimi zgjedhor dhe jo te zgjedhjet në PD. Kujt i shërbejnë këto zgjedhje? Mendoj se vetëm Edi Ramës, pasi tërheqin vëmendjen. Unë nuk them se do të ndryshoj rezultati apo shpërndarja e mandateve zgjedhore, por a do të dënohet ndonjëherë ky krimi elektoral?”, tha Abazi.
Sipas tij, me vendimet që po jep Kolegji Zgjedhor duke certifikuar mandatet, KAS po duket lule.
“Duhet ti themi KAS na fal, kur shohim vendimet që shpallen në Kolegjin Zgjedhor”, tha Abazi.
