Rrëmbimi i avionit dhe arrestimi i një gazetari nga ana e autoriteteve të Bjellorusisë ka shkaktuar zemërim në radhët e Bashkimit Europian.
Për këtë fakt, BE pritet të diskutojë me shumë urgjencë aktin në fjalë.
Drejtuesja e Komisionit të BE Ursula von der Leyen foli për një “rrëmbim”.
“Ata që janë përgjegjës për rrëmbimin e Pratasevich Ryanair duhet të sanksionohen”, shkroi në postim zyrtarja e lartë e Unionit.
Po ashtu, drejtuesja e Komisionit të BE-së bëri thirrje për lirimin e menjëhershëm të blogerit dhe gazetarit.
Sakaq, krerët e shteteve dhe qeverive të BE do të diskutojnë se si të veprojnë në samitin e tyre të posaçëm duke filluar këtë të hënë pasdite në Bruksel, në orën 18:00
Për shkak të shtypjes së vazhdueshme të lëvizjes së demokracisë në Bjellorusi, BE tashmë kishte vendosur sanksione kundër sundimtarit Lukashenko, vitin e kaluar, dhe BE nuk e njeh atë si president.
Kreu i linjës ajrore irlandeze, Michael O’Leary, foli për një “rrëmbim avioni në emër të shtetit”.
“Duket sikur autoritetet synuan të marrin një gazetar dhe një person shoqërues,” ka thënë ai duke shtuar se disa agjentë të KGB zbritën gjithashtu në aeroport.
Por Rusia ndan qëndrim tjetër për këtë rast, duke u shprehur e “tronditur” nga reagimi i Perëndimit.
“Tronditëse që Perëndimi e klasifikon procesin në hapësirën ajrore Bjelloruse si ‘rrëmbim’”, shkroi zëdhënësja e Zyrës së Jashtme Maria Sakharova në Facebook.
Shtetet perëndimore kanë kryer gjithashtu “rrëmbime, ulje të detyrueshme dhe arrestime të paligjshme në të kaluarën”, ka shkruar ajo.
Autoritetet në Bjellorusi detyruan aeroplanin Boeing të Ryanair të ulej të dielën në rrugën nga Greqia në Lituani. Pilotët e aeroplanit Ryanair me më shumë se 120 persona në bord u detyruan të ktheheshin për shkak të një alarmi të supozuar të një bombe dhe një avion ushtarak i shoqëroi ata në Aeroportin Minsk në Bjellorusi.
Bloggeri është një nga shumë aktivistët e opozitës që janë kërkuar ndërkombëtarisht dhe të cilit Lukashenko personalisht i ka shpallur luftë.
Por autoritetet e aeroportit deklaruan se vendimi për të ulur fluturimin Ryanair nga Athina në Vilnius në Minsk u mor pasi një email kërcënues nga Hamas mbërriti në aeroportin kombëtar të Minsk.
“Ne, ushtarët e Hamasit, po bëjmë thirrje që Izraeli të ndalojë zjarrin në Gaza dhe BE të heqë dorë nga mbështetja e saj për Izraelin.
Nëse nuk i përmbushni kërkesat tona, bomba e vendosur në avionin me fluturimin 497 do të shpërthejë mbi Vilnius “, thuhej në këtë mesazh.
