Një shtetas është gjetur i pajetë, mëngjesin e sotëm në Elbasan.
Identiteti i tij ende nuk bëhet më dije, ndërsa mësohet se viktima ka plagë në kokë dhe dëmtime të tjera në pjesë të trupit.
Viktima është gjetur në lagjen “Vullnetari”, pa këpucë, ndërsa dyshohet se ngjarja ka ndodhur në një tjetër vend, më pas viktima të jetë hedhur në rrugë.
Burimet bëjnë me dije se trupi i tij është çuar në morg për verifikime të mëtejshme.
Prej kohësh qyteti i Elbasanit është kthyer në një vatër të nxehtë të krimit të organizuar, ku si pasojë e përplasjes mes grupeve rivale, kanë humbur jetën disa persona, ndërkohë që Policia duket e pafuqishëm në zbardhjen e krimeve, apo identifikimin e autorëve.
Jo më larg se në datën 11 Maj në Elbasan u ekzekutua Everest Çaka i njohur dhe me emrin Ibrahim Caka, në sytë të bashkëshortes së tij, ndërkohë që ngjarja është e pazbardhur ende, ndërsa viktima kishte pak kohë që ishte kthyer nga Spanja.
