Një ngjarje e rëndë është evidentuar në lagjen ‘Vullnetari’ në Elbasan, ku është gjetur i pajetë një person në mes te rrugës.
Nga raportimet mësohet se viktima ka pasur 7 plagë në kokë. Ai u gjet mëngjesin e sotëm, në orën 05:00. Trupi i tij ishte i mbushur me plagë dhe me gjak. Pranë tij nuk kishte këpucë, ç’ka ngre dyshimet se vrasja e tij mund të jetë bërë në një vend tjetër e më pas është hedhur nga autorë në rrugë.
Burime zyrtare nga policia e Elbasanit bëjnë me dije se trupi i pajetë i përket një burri rreth moshës 70-75 vjeç. Trupi është transportuar në morgun e Elbasanit ku mjekët do të përcaktojnë edhe shkaqet e vdekjes.
Personi nuk ka pasur mjet identifikimi me vete dhe ende nuk është identifikuar.
