Një shqiptar 36-vjeçar është arrestuar nga policia italiane dhe është dërguar në burgun e Vicenza, pasi nuk respektoi urdhrin që e ndalonte atë t’i afrohej familjes së tij.
Mediat e huja, bëjnë me dije se atij i ishte dhënë urdhër që të mos i afrohej familjes pas denoncimit të gruas se e dhunonte fizikisht dhe verbalisht.
Por pavarësisht kësaj ai kishte vazhduar të përndiqte gruan, në shtëpi dhe në vendin e saj të punës. Për këtë arsye policia vendosi ta arrestonte dhe ta mbante në burg.
Ndërkohë, shqiptari emri i të cilit nuk është bërë i ditur është në pritje të vendimit të Gjykatës.
