Shifrat zyrtare të qeverisë për numrin e lartë të aksidenteve që po ndodhin në vend janë alarmuese.
Por, çudia qëndron kur vet makina zyrtare ecin me shpejtësi të madhe në rrugët tona. Në redaksinë e Boldnews.al një qytetar ka denoncuar një rast flagrant të një makine me targa zyrtare që ecën me shpejtësi 160 km/orë në autostradën Lushnje –Fier. Ne mësuam se kjo makinë zyrtare është e Ministrisë së Mirëqënies Sociale e drejtuar nga Blendi Klosi. Këtë zyrtar të lart nuk e gjobit askush, madje policia kthen kurrizin sapo e sheh dhe në rastin me të mirë edhe e nderon.
Ky është standardi i dyfishtë i Policisë së Shtetit, nga një anë u merr patentët qytetarëve pa mbështetje vetëm se ecin me 100-110 km/orë dhe nga ana tjetër mbyll sytë kur zyrtarët e veshur me kostum ecin me mbi 160 km/orë.
Ky nuk është rasti i vetëm ku një makinë zyrtare ecën me shpejtësi të madhe duke u bërë burim aksidentesh. Para disa kohësh edhe një makinë policie u kap në autostradë më shpejtësi marramendëse.
