Detaje të reja bëhen me dije nga ngjarja e ndodhur në një minierë në Martanesh këtë të Martë.
Policia sqaron se rreth orës 12.30, në një subjekt minerar në zonën e Martaneshit, shtetasi Sh.E., rreth 50 vjeç, duke salduar brenda në galeri me gjenerator, paraprakisht dyshohet se si pasojë e gazit të çliruar nga gjeneratori është asfiksuar.
Në ndihmë të tij kanë shkuar dhe dy punëtorë të tjerë, shtetasit A.J., dhe M.H., të cilët janë asfiksuar dhe kanë shfaqur probleme shëndetësore.
Personat e lartpërmendur janë nxjerrë nga galeria dhe janë transportuar për ndihmë mjekësore në spital.
Grupi hetimor ndodhet në vendin e ngjarjes dhe vijon hetimi për zbardhjen e plotë shkaqeve ngjarjes, njoftoi policia.
