Policia greke vijon hetimet për vrasjen e biznesmenit grek Dionysis Korfiatis, i cili u ekzekutua në qendër të qytetit Zakynthos, mëngjesin e së premtes.
Grupi hetimor gjeti në vendin e ngjarjes më shumë se 25 gëzhoja plumbash, disa prej të cilave i morën jetën 54-vjeçarit.
Dyshimet se ekzekutimi i Korfiatis u realizua nga profesionistë lidhet me faktin se plumbat ishin lyer me yndyrë për të eliminuar çdo mundësi të gjetjes së materialit gjenetik në to.
Sipas të njëjtave burime, kamera e sigurisë mbi hyrjen e zyrës ku ndodhi vrasja nuk po funksiononte, megjithatë, autoritetet kanë në dispozicion materiale nga pjesë të tjera të rrugës që autorët duket se kanë ndjekur.
Oficerët e policisë që po shqyrtojnë çështjen, kanë kërkuar që të kryhen procedura hetimore, në zonën e Ampelokipi, Zakynthos, ku u gjet makina e përdorur nga autorët e krimit.
Sipas të njëjtave burime, një automatik i dytë kallashnikov u gjet në makinën e djegur, përveç asaj të përdorur për vrasjen e viktimës.
Kujtojmë se mediat greke kanë zbuluar aktivitetet e shumta të biznesmenit, por edhe një lidhje me shqiptarët.
“Protothema” shkruan se biznesmeni 54-vjeçar disa vite më parë u dënua me 4 vite burg nga Gjykata e Apelit në Patra, pasi armët dhe materiale të tjera të paligjshme në lidhje me aktivitetet e disa shqiptarëve të akuzuar për grabitje në ishullin e Zakynthos u gjetën në shtëpinë e tij.
“Vrasësit ishin me një makinë “Fiat Panda”. Ata ndaluan, hynë brenda në zyrë, e vranë atë dhe u larguan.
“Kjo ishte e gjitha” tha xhaxhai.
Vrasja ndodhi në një nga ishujt e famshëm grekë ku jetojnë dhe punojnë shumë shqiptarë.
