Një ditë më parë u nda nga jeta në moshën 75-vjeçare aktori Guljejm Radoja, pas infektimit me Covid.
Intervista e tij e fundit ishte për Adi Krastën në SYRI TV. Një rrëfim i rrallë për gjithë jetën e tij, por edhe për protestën për mbrojtjen e Teatrit Kombëtar. Ai shprehu zhgënjimin e tij për politikën, ndërsa u shpreh se “pushteti të shkel me këmbë”. Kurse për Teatrin tha se “kauzën tonë na e shitën njerëzit tanë, kolegët tanë”. “Me Teatrin u treguan jo vandalë, por barbarë”, tha ai.
Intervista e tij u postua nga moderatori Adi Krasta. “Guljelm Radoja në rrëfimin e tij të fundit publik. Fuqi e jashtëzakonshme lirie e ndershmërie me veten e artin,” shkruan gazetari në një postim në rrjetet sociale.
