Një zjarr në një repart spitali COVID-19 në Indinë perëndimore vrau të paktën 18 pacientë të Shtunën herët, ndërsa vendi që po përballet me një krizë të tmerrshme nga pandemia dhe mungesa e oksigjenit dhe pajisjeve mjekësore.
India të Shtunën vendosi edhe një rekord tjetër ditor global me 401,993 raste të reja, duke e arritur numrin e saj në më shumë se 19.1 milion, ndërsa 3.523 persona të tjerë vdiqën në 24 orët e kaluara, duke rritur viktimat e përgjithshme në 211.853, sipas Ministrisë së Shëndetësisë.
Zjarri shpërtheu në një spital COVID-19 në katin e parë dhe u shua brenda një ore, ndërsa shkaku është duke u hetuar. Tridhjetë e një pacientë të tjerë u shpëtuan nga punonjësit e spitalit dhe zjarrfikësit dhe gjendja e tyre ishte e qëndrueshme, thanë zyrtarët për mediat. Të paktën tetëmbëdhjetë të tjerë vdiqën në flakë dhe tym përpara se shpëtuesit të arrinin tek ata.
