Ambasadorja e SHBA në Tiranë, Yuri Kim, u shpreh nga njësia nr 5, atje ku monitoroi qendrën e numërimit të votave te shkolla Vasil Shanto, se votuesit shqiptarë tashmë e kanë bërë punën e tyre, ndërsa i takon numëruesve të bëjnë detyrat e tyre.
Diplomatja Kim i drejtoi një apel drejtuesve të partive politike që të presin rezultatet dhe t´i pranojnë ato, ndërsa institucionet duhet të ndjekin çdo ankesë të mundshme.
“Partitë e kandidatët të presin dhe pranojnë rezultatet. Besoj se numërimi do të jetë një proces i qetë dhe numëruesit do të bëjnë punën e tyre”, tha Kim.
