Kreu i KQZ, Ilirjan Celibashi ka reaguar në një postim në rrjetin social facebook në lidhje me daljet e përfaqësuesve politikë apo exit poll-eve pas zgjedhjeve.
Ai ka kërkuar që subjektet zgjedhore dhe përfaqësuesit e të gjitha partive të presin me qetësi procesin e numërimit pas askush nuk e di se kush i ka fituar zgjedhjet.
“Ju bëj thirrje subjekteve zgjedhore, që procesin në vijim ta përcjellin me qetësi pasi askush nuk e di se kush i ka fituar këto zgjedhje”, shkruan Celibashi.
Gjithashtu u ka kërkuar liderëve politikë që të ruajnë vetëpërmbajtje deri në daljen e rezultateve në mënyrë që të krijohet klima e duhur e punës për komisionerët dhe numëruesit.
“Lidershipi politik duhet të tregojë vetëpërmbajtje në mënyrë që komisionerët dhe numëruesit të kenë klimën e duhur për të zhvilluar një proces numërimi të sigurtë dhe transparent”, përfundoi kreu i KQZ.
